هل البنت الغير محجبه غير محترمه؟؟؟

~ ذبحهم غروري ..}

أشكرج شيختي ع طرحج للموضوع الرائع

شوفي الشيخه

البنت المحجبه ولا الغير محجبه

ما يكشف اذا البنت محترمه ولا لا ..

يعني شي بنت محجبه وحالتها حاله وتطلع اخر شي ما تسوى شي

ولا فيها ذره من الإحترام ,,

الإحترام يكون فالقـلب فـ الداخل ..

صحيح انه الكتاب ينعرف من عنوانه

يعني لو الواحد منا ينظر للبنيه اول نظره

يكتشف ويعرف وايد اشياء عن شخصيتها ,, من طريقه لبسها , قصه شعرها , لون ملابسها , ومشيتها ,, نظرتها للناس ومعاملتها ,, حتى نوع العطر .. جان كانت وايد وايد قويه ,, اقول فباليه يااالله ,, مب عطر هذا فاضحه المكان فيه ,,,

انا ما اقول انه البنيه الغير محجبه غير محترمه ..!

لكن الإسلام ما اوجب الحجاب للحرمه عبث ولا بس جي .. يعني شي هدف سامي ..!

انا اشوف انه الحرمه جوهره ثمينه ,, فجيف نحافظ ع هالجوهره من الطامعيـن ..؟

وهذا يي بالســتر ..


وبالعكس .. الحجاب يعطي للحرمه هيبه ووقار وفي نفس الوقت جمال

انا الصراحه شفت بنيه قبل الحجاب .. وبعدهـ

والصراحه انا اشوفها بالحجاب وااااايد أحلى واجمل ..

وخاصه انه مجتمعنا الاماراتي معروف بأنه محجب ,,

وينتقـد الغير محجبات بشكل قوي ,,


صحيح انه هالأيام يا مكثرهن اللي ييعقن الشيله ع الجتف وعبايتها جنه لوحه فنيه متحركه ومازرتنها من ذاك الريش عسب تطير .. ماعرف وين تبا توصـل

الله يعينهن ويهديهن ,,

اممم .. الإنسانه وقناعتها الشخصيه ,, مب يعني وحده شافت ربيعاتها يعقن الشيله ولا مطلعين نص شعرهن ,,

وتقول انا ليش غير عنهن وما اسوي شراتهن ,,

وصدقيني دوومه الصح يكون نادر ,, لأنه هالزمن الكل يمشي غلط فـ غلط ,,

وبعدين بقولج شي

الشباب ما يتحرشون ولا يضايجون فالبنيه المتسترهـ .. لأنه مثل ما قلنا المظهر الخارجي للبنيه يعكس طبيعتها وشخصيتها


يعني شي من البنات لي شافت واحد ,, تضحك ولا تبسم له ,, هو عاد هني يقول

هاي عادي عندها ولا تباني ولا تتقردن بسهوله .. ولا ع قولتنا .. هذا اليوم " قنصــنا " ,, فجي هو ما يخاف منها فيتجرا انه يقترب من صوبها ,, ويضايج فيها ,, ويسوي اللي فراسه


فأنا الصراحه ألوم البنات اكثر ع سالفه التقردين
لأنه لو هي محتشمه وما مطلعه نص شعرها برع الشيله وتوزع ابتسمات ,, وان كانت عيونها فالأرض ما تيي فـ عين حد ولا تنظر له بذيك النظره الجاتله ولا الجاذبه ,,

صدقيني صدقيني

ما بيفكر هذا يضايج فيها ,, ولو فكـر يضايج فيها وهي لفت ويها وطنشت ولا مثلا قالت له احترم نفسك ..

والله بيستحي ع ويهه ,, وما بيعرف وين يوديه ههاع

نحن الشباب نعرف شلون هالمواقف وجيف تصيـر ..

والله يحفظ بناتنا جميعا ويسلمهن من هالسوالف ,,

وطبــعا اللي ما يرضاها ع أهله ,, ما يرضاها ع بنات الناس

لأنه لو سوا فالبنيه جي وجي .. باجر بيتكرر الموقف فـ خواته ولا فـ عياله ولا فـ حد من هله

:

والسموحه شيختي وايد رمست
ودخلت جم موضوع فـ بعضه ,,

^^

تحياتي

شيخ المزايينـ